Roteiro micolóxico en Saiáns: 18 de outubro

Ao mal tempo, cogomelos. Unha das mellores cousas que nos ofrece o outono é a proliferación do reino Fungi. Fainos especial ilusión esta actividade programada cos amigos de Mycogalicia Plantae.

Será unha ruta sen itinerario fixo, avanzarase conforme ao grupo e por onde vaian aparecendo os cogomelos. O parque forestal de Saiáns ofrece un espazo amplo, con moita diversidade de árbores (sobre todo carballos e castiñeiras), moi axeitado para a busca.

O punto de partida é un merendeiro, situado nun souto de gran extensión, pero con pendente, que se pode camiñar pouco a pouco. O percorrido farase a ritmo lento, parando a explicar as diferentes especies que aparezan.

Ao rematar, volvendo ao punto de partida e aproveitando as mesas de pedra, farase unha exposición e repaso dos cogomelos atopados.

Queremos aclarar que non é unha ruta de recollida de cogomelos, é unha actividade didáctica na que imos aprender sobre as diferentes especies presentes na nosa contorna para saber diferencialas.

Sempre recomendamos levar roupa e calzado cómodo, estaremos en zonas de terra e con follas caídas, e probablemente o terreo estea húmido, polo que os pés se poden chegar a mollar.

Información da actividade

  • Hora de comezo: 10:30 h (prégase puntualidade)

  • Hora aproximada de finalización: 12:30 h

  • Dificultade: fácil

Recomendacións

  • Calzado axeitado para montaña ou sendeirismo.

  • Roupa cómoda e adaptada á climatoloxía, e bastóns ou elementos de apoio similares.

  • Auga.

Outras actividades
Micoloxía
Entrada anterior
Roteiro Monte Galleiro: 10 de outubro
Seguinte entrada
Ioga ao aire libre: 24 de outubro
keyboard_arrow_up